منتدى طبور الجنة
 حبيتك بس مش هكون من نصيبك & 633374519
منتدى طبور الجنة
 حبيتك بس مش هكون من نصيبك & 633374519
منتدى طبور الجنة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اسلاميات * برامج * العاب * أغانى * أفلام * كل ماهو جديد
 
الرئيسيةأحدث الصورالتسجيلالدردشةدخول
بسم الله الرحمن الرحيم تم عمل اختصارين لمنتدى طيور الجنة وهم http://toyorelgna.tk _____________ http://toyorelgna.net.tc

 

  حبيتك بس مش هكون من نصيبك &

اذهب الى الأسفل 
كاتب الموضوعرسالة
elkaptn

elkaptn


ذكر عدد المساهمات : 69
نقاط : 115
السٌّمعَة : -1
تاريخ التسجيل : 17/08/2010
الموقع : http://elfaraana.yoo7.com

 حبيتك بس مش هكون من نصيبك & Empty
مُساهمةموضوع: حبيتك بس مش هكون من نصيبك &    حبيتك بس مش هكون من نصيبك & I_icon_minitimeالإثنين أكتوبر 11, 2010 4:43 pm


يااقرب الناس ليا
هسيبك بس والله على عنيا
قربك ليا كنت بتمناه
وفى لحظه بقيت حبيب قلبك ووياه
وكان كلامنا عمره ما كان كلام
كنا بنحقق لبعضنا الاحلام كان حضنك ليا الامان
وصوتك ليا الحنان
يا اقرب ليا من اى انسان
شوفت معاك اجمل ايام
كانت ليا الهنا
علمتنى ابطل كلمة انا
كانت الاحلام بنا بتتلون
والانغام بينا بتتكون
فاكر لما كنت فى حضنى
وقربتنى وكنت بتاخدنى
كنت بتاخدنى من حزنى
وقولتلى وانتى معايا
مفيش الالام خلاص انتى بقيتى ويايا


نفسك فى ايه هحققلك كل الاحلام
وحلفتلى بحبك مش كلام
وكنا بنزعل ونتصالح
وبنتعب من بعض وبنرجع تانى وبنسامح
حبيبى هقولك كلمتين هسيبك وانا قلبى معاك
لانى مقدرش اعيش دنيتين



دنيا فيها انا حبيبك
ودنيا فيها انا عمرى ما هكون نصيبك
مين يرضى بالكدبتين
الاولى بحبك
والثانيه انت فين وانا فين
كان نفسى نكون واحد مش اتنين
انا همشى واسيبك
لانى عمرى ما كنت حبيبك
وبعد اللى انت قولته
وبعد اللى انت عملته
كان لازم اتعلم


حبك عمانى بس عمرى ما هكون انسان تانى
ولا هكون فى الحب انانى
فى ناس تانيه عايشين عشانى
هبعد واسيبك
منا اصلى مش حبيبك
هسيبك وانا مجروح
وفى بعدك اكيد هنوح
والالم عمره ما هيروح
منا لازم اتألم
ولازم الجرح فى قلبى يعلم
بس عمرك ما هتندم


لان قربك انا اخترته
وجرحك انا اللى كبرته
بلاش تقولى استنى
عاوز منى ايه يعنى
حب واخدته وقلبى ودبحته
كان شوقك فيا اغلى ما فيا
وكنت بحب عنيا لانها بتشوف عينك
بس ياقلبى كفايه متقولش اد ايه الحب جوايا
مش هسيبك تانى تعيد الروايه
بلاش تتكلم وتقول
امشى بجرح بقلبك علطول
وبلاش تبكى تانى قدامه الدموع


عاوز ترجعله ليه
ونفسك كمان تنام فى حضن قلبه وايديه
ليه وليه
نسيت عمل فيك ايه
نسيت لما قالك على الحقيقه
وانت بكيت قدامه وقولتله شوفلك طريقه
قالك انت حبيب القلب والزمان
بس عمرك ما هيكون ليك فى حياتى مكان
وبكل برود وافقته
وبكل سكوت صدقته
ده كله ليه عشان بتحبه



لا جه وقت الرجوع
عمر ما هيكون فى تانى دموع
مركب ايه اللى من غير شراع
وحب ايه اللى اخرته الضياع
امشى وسيبه
مبقاش قلبك حبيبه
حبك معاه مالوش الا النهايه
نزلت الستار ومش هقدر اقول ان دى نهايه الروايه
لانى عارفه انك هتفضل تحبه
لان الحب نصيب حب واقدار
بس مين فينا يرضى يعيش كدبتين
كدبه قلب مات
وكدبه قلب عايز يعيش الذكريات

يااقرب الناس ليا
هسيبك بس والله على عنيا
هتقول انى ببيعك
هتقول انى خلفت وعدى
هتقول انى ببعدى فاجأتك
هتقول انى جرحتك
هقولك مقدرش احبك حب مالوش عنوان
واستنى اليوم اللى فيه تغدر بيا
وتجرحنى كمان


عارف ياقلبى انك هتموت لما ابعدك عن حبيبك
قدر ومكتوب
انى اعيش معذبه قلوب
حتى قلبى بعذبه
ومن حبه الوحيد بحرمه
مجروح انا لما سبتك
مظلوم من حب قلبك




لان

اتعلمت كتير
ان عمرى ما انهار قدام اى انسان
مهما كان السبب ومهما كان جرح الزمان
انا اللى خسران لما هبعد عن حياتك
بس انا هضحى بحبى عشانك
همشى واسيبك هنا
يمكن فى بعدى تلاقى الهنا
فى قلوب كتير
فى حبك بتفكر كتير
نقى واختار
بس انا همشى لان عمر ما كان الحب اختيار
ده قدر ومكتوب
بطلب منك انك تقسى على قلبى كمان وكمان
لانى بجرحك هتعلم اعيش بالنسيان
مش هقدر اعيش من غير عنوان
وطريق اخره الاوهام
الرجوع الى أعلى الصفحة اذهب الى الأسفل
 
حبيتك بس مش هكون من نصيبك &
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طبور الجنة  :: °¨¨°º"°¨¨°(_.·´¯`·«¤° أحلي كلام°¤»·´¯`·._)°¨¨°º"°¨¨°-
انتقل الى: